Urinbayev Xurshidbek

Xurshidbek O‘rinboyev — naqqosh, xattot va miniatyura ustasi. 1990-yil 25-avgustda Namangan viloyati Norin tumanida ziyolilar oilasida tug‘ilgan. Ta’limi: • Andijon iqtidorli bolalar san’at rassomchilik litseyi — naqqoshlik yo‘nalishi (2001–2008) • Kamoliddin Behzod nomidagi Milliy rassomlik va dizayn instituti, Toshkent — xattotlik va miniatyura yo‘nalishi, bakalavr (2008–2012) O‘zbekiston Badiiy akademiyasi a’zosi. 2013-yildan buyon Namangan ixtisoslashtirilgan madaniyat maktabida mutaxassis o‘qituvchi bo‘lib ishlab kelmoqda. Ijodida an’anaviy o‘zbek naqqoshligi, xattotlik va miniatyura san’atini davom ettiradi.